ប៉ូលិសបានប្រើអេស្កាវ៉ាទ័របំបែកសោ និងពន្លត់ភ្លើងដែលឆេះផ្ទះ។

ព័ត៌មានបឋមបានឲ្យដឹងថា អគ្គិភ័យបានកើតឡើងកាលពីរសៀលថ្ងៃទី៤ វិច្ឆិកា នៅភូមិទី៨ ឃុំហ្វាប៊ីញ ស្រុកធុយង្វៀន ខេត្ត ហៃផុង ។ កន្លែងដែលអគ្គិភ័យឆាបឆេះនេះជាផ្ទះជាន់ក្រោមប្រើជាឃ្លាំងលក់ស្បែកជើង ។

ក្រោយទទួលបានដំណឹងភ្លាម កម្លាំងជំនាញបង្ការ និងពន្លត់អគ្គិភ័យនៃស្នងការដ្ឋាននគរបាលស្រុក Thuy Nguyen បានបញ្ជូនរថយន្តពន្លត់អគ្គិភ័យចំនួន៤គ្រឿង និងមន្ត្រីរាប់សិបនាក់ ដើម្បីពន្លត់ភ្លើង។

ដោយសារផ្ទះជាប់សោ ទើបសមត្ថកិច្ចពិបាកចូលទៅជិតភ្លើង។ អាជ្ញាធរត្រូវប្រើអេស្កាវ៉ាទ័រទម្លុះទ្វារចូលទៅបាញ់ពន្លត់។

អាជ្ញាធរបានប្រើអេស្កាវ៉ាទ័រវាយបំបែកទ្វារ និងពន្លត់ភ្លើងដែលឆេះផ្ទះ។

គិតត្រឹមម៉ោង៣រសៀល ភ្លើងបានរលត់ជាស្ថាពរ ។ សេចក្តីរាយការណ៍បឋមបានបញ្ជាក់ថា អគ្គិភ័យនេះមិនបណ្តាលឲ្យមនុស្សរងគ្រោះទេ ហើយការខូចខាតទ្រព្យសម្បត្តិសមត្ថកិច្ចកំពុងស្រាវជ្រាវនៅឡើយ ។

មូលហេតុនៃការឆាបឆេះនេះសមត្ថកិច្ចកំពុងស្រាវជ្រាវ។

ប្រភព