ស្ថានទូតកូរ៉េខាងត្បូងប្រចាំប្រទេសជប៉ុន ទទួលការគំរាមកំហែងដោយគ្រាប់បែក

សំបុត្រដែលផ្ញើដោយ "Soma Wataru" កាលពីសប្តាហ៍មុន និងសរសេរជាភាសាកូរ៉េ ដោយប្រើការបកប្រែដោយស្វ័យប្រវត្តិ មានផ្ទុកការគំរាមកំហែងគ្រាប់បែក។ ទោះយ៉ាងណា អ្នកផ្ញើមិនបានបញ្ជាក់ពីកាលបរិច្ឆេទ និងពេលវេលាពិតប្រាកដនៃការផ្ទុះនេះទេ។

ស្ថានទូតកូរ៉េខាងត្បូងប្រចាំប្រទេសជប៉ុនបាននិយាយថា ប៉ូលីសក្នុងតំបន់បានសម្រេចចិត្តបង្កើនសន្តិសុខជុំវិញអគារ បន្ទាប់ពីបានជូនដំណឹងដល់អាជ្ញាធរអំពីលិខិតគំរាមកំហែងគ្រាប់បែក។

ស្ថានទូតកូរ៉េខាងត្បូងកំពុងពិនិត្យមើលលទ្ធភាពដែលថាលិខិតនោះគឺជាការគំរាមកំហែងមិនពិត ប៉ុន្តែបាននិយាយថាខ្លួនបានស្នើសុំឱ្យប៉ូលីសជប៉ុនបង្កើនសន្តិសុខប្រហែលមួយខែ។

ក្នុងប៉ុន្មានសប្តាហ៍ថ្មីៗនេះ ប៉ូលីសនៅក្នុងរដ្ឋធានីសេអ៊ូលរបស់កូរ៉េខាងត្បូងក៏បាននិងកំពុងស៊ើបអង្កេតរបាយការណ៍នៃការគម្រាមកំហែងគ្រាប់បែកជាបន្តបន្ទាប់ដែលបានផ្ញើតាមអ៊ីមែល។ កាលពីថ្ងៃទី៧ ខែសីហា មន្ត្រីរដ្ឋាភិបាលទីក្រុងជាច្រើនបានទទួលអ៊ីមែលគំរាមបំផ្ទុះគ្រាប់បែកនៅកណ្តាលទីក្រុង។ ពីរថ្ងៃក្រោយមក ប៉ូលីសបាននិយាយថា ពួកគេបានទទួលរបាយការណ៍អំពីអ៊ីមែលមួយទៀតដែលគំរាមបំផ្ទុះសារមន្ទីរជាតិកូរ៉េ ស្ថានទូតជប៉ុន អគារ N Seoul Tower និងសាលារៀនជប៉ុនមួយ។ នៅថ្ងៃទី 13 ខែសីហា អ៊ីមែលមួយផ្ញើទៅកាន់ប្រព័ន្ធផ្សព្វផ្សាយជាច្រើនបាននិយាយថា គ្រាប់បែកដ៏មានឥទ្ធិពលមួយត្រូវបានដាំនៅក្នុងសាលាក្រុងសេអ៊ូល។

ប្រភពតំណ