រុស្ស៊ី និងអ៊ុយក្រែន ដោះលែងអ្នកទោសជិត ២០០នាក់ ក្រោយការចរចា

ក្រសួងការពារជាតិ រុស្ស៊ីបាននិយាយថា អ្នកទោសសង្គ្រាមរុស្ស៊ី ៩៤នាក់ ដែលត្រូវបានចាប់ខ្លួនដោយអ៊ុយក្រែនត្រូវបានដោះលែង ខណៈអ៊ុយក្រែនបាននិយាយថា អ្នកទោសសង្គ្រាមអ៊ុយក្រែន ៩៥ នាក់ - មកពីឆ្មាំជាតិ និងឆ្មាំព្រំដែនបានត្រឡប់មកវិញ។

នៅល្ងាចថ្ងៃទី១១ មិថុនា រុស្ស៊ី និងអ៊ុយក្រែនបានប្រកាសរួមគ្នា អំពីការបញ្ជូនអ្នកទោសសង្គ្រាមជិត១០០នាក់ មកពីភាគីនីមួយៗ ។

នៅលើកម្មវិធី Telegram ក្រសួងការពារជាតិ រុស្ស៊ី បាននិយាយថា អ្នកទោសសង្គ្រាមរុស្ស៊ី ៩៤នាក់ ដែលអ៊ុយក្រែនចាប់បានត្រូវបានដោះលែងវិញបន្ទាប់ពីការចរចា ហើយពួកគេនឹងត្រូវបញ្ជូនទៅ មន្ទីរពេទ្យ ដើម្បីពិនិត្យសុខភាព។

ទន្ទឹមនឹងនោះ លោក Andriy Yermak ប្រធានការិយាល័យប្រធានាធិបតីអ៊ុយក្រែន បាននិយាយថា អ្នកទោសសង្គ្រាមអ៊ុយក្រែន ៩៥នាក់ បានវិលត្រឡប់មកវិញ រួមទាំងអ្នករបួសមួយចំនួនផងដែរ។ អ្នកទោសទាំងនេះជាសមាជិកនៃឆ្មាំជាតិ និងឆ្មាំព្រំដែន។

លោក Yermark ក៏បានបន្ថែមថា អ្នកដែលត្រូវបានដោះលែងពីភាគីអ៊ុយក្រែន បាននិងកំពុងប្រតិបត្តិការនៅជិតទីក្រុង Mariupol ដែលត្រូវបានឡោមព័ទ្ធដោយកងកម្លាំងរុស្ស៊ីអស់រយៈពេលជាច្រើនសប្តាហ៍កាលពីឆ្នាំមុន។

កាលពីខែកុម្ភៈកន្លងទៅ រុស្ស៊ី និង អ៊ុយក្រែន ក៏បានធ្វើ ការដោះដូរអ្នកទោស ដែលមានមនុស្សសរុបជិត ២០០នាក់ទាំងសងខាង។

កាលពីខែឧសភា ទីក្រុងមូស្គូបានប្រគល់អ្នកទោសសង្គ្រាមអ៊ុយក្រែនចំនួន ៤៥ នាក់ ដែលភាគច្រើនជាសមាជិកនៃកងវរសេនាតូច Azov ខណៈដែលទីក្រុង Kyiv ក៏បានដោះលែងអ្នកបើកយន្តហោះរុស្ស៊ីបីនាក់ផងដែរ។/.

ង៉ុកអាញ់ (ទីភ្នាក់ងារសារព័ត៌មានវៀតណាម/Vietnam+)

ប្រភពតំណ