នាយករដ្ឋមន្ត្រីកម្ពុជា ជំរុញឲ្យប្រជាពលរដ្ឋចូលរួមការបោះឆ្នោត

កាលពីថ្ងៃទី១៦ ខែកក្កដា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវនាវឱ្យប្រជាពលរដ្ឋទូទាំងប្រទេស ទៅបោះឆ្នោត ជ្រើសតាំងតំណាងរាស្រ្ត នីតិកាលទី៧ នៅថ្ងៃទី២៣ ខែកក្កដា។

Thủ tướng Campuchia vận động người dân tham gia bầu cử

យុទ្ធនាការបោះឆ្នោតនៅកម្ពុជាកំពុងឈានចូលដល់ថ្ងៃចុងក្រោយមុនការបោះឆ្នោតប្រព្រឹត្តទៅនៅថ្ងៃទី ២៣ ខែកក្កដា។ (ប្រភព៖ Reuters)

ចែករំលែកនៅលើបណ្តាញ Telegram និងប្រព័ន្ធផ្សព្វផ្សាយសង្គមជាច្រើនទៀត នាយករដ្ឋមន្ត្រី កម្ពុជាបានមានប្រសាសន៍ថា បន្ទាប់ពីយុទ្ធនាការឃោសនាបោះឆ្នោតរយៈពេល ១៦ថ្ងៃ គណបក្សដែលចូលរួមបានធ្វើសកម្មភាពទាំងអស់ក្នុងបរិយាកាសដ៏រំភើប។

មេដឹកនាំកម្ពុជាបានផ្ញើសារខាងលើក្នុងបរិបទដែលគណបក្សនានារបស់ប្រទេសកំពុងអំពាវនាវឱ្យមានសំឡេងគាំទ្រកាន់តែច្រើនពីប្រជាពលរដ្ឋនៅក្នុងថ្ងៃចុងក្រោយនៃយុទ្ធនាការបោះឆ្នោត (ចាប់ពីថ្ងៃទី 1-21 ខែកក្កដា)។

ការបោះឆ្នោតគ្រោងនឹងប្រព្រឹត្តទៅនៅថ្ងៃទី២៣ ខែកក្កដា នៅ២៣.៧៨៩ទីតាំង ក្នុង២៥មណ្ឌលរាជធានី និងអង្គភាពរដ្ឋបាលថ្នាក់ខេត្តទូទាំងប្រទេស។

ក្នុងនោះអ្នកបោះឆ្នោតជាង៩,៧លាននាក់ក្នុងប្រទេសនេះនឹងទៅបោះឆ្នោតជ្រើសរើសសមាជិករដ្ឋសភានីតិកាលទី៧របស់កម្ពុជាចំនួន១២៥រូប។

គណបក្សនយោបាយចំនួន ១៧ នឹងប្រកួតប្រជែងជាមួយគណបក្សកាន់អំណាចនៅក្នុងការបោះឆ្នោតនេះ។

គណៈកម្មាធិការជាតិរៀបចំការបោះឆ្នោតកម្ពុជា (គ.ជ.ប) ក៏បានឱ្យដឹងដែរថា យុទ្ធនាការឃោសនាបោះឆ្នោតជាងពីរសប្តាហ៍បានប្រព្រឹត្តទៅដោយរលូន ធានាបាននូវសន្តិសុខ សណ្តាប់ធ្នាប់ និងគ្មានអំពើហឹង្សា។

ប្រភព