ប្រធានាធិបតីកេនយ៉ា លោក Ruto និងឧត្តមសេនីយ Al-Burhan ជំរុញឲ្យបញ្ចប់ជម្លោះរយៈពេល ៧ ខែក្នុងប្រទេសស៊ូដង់

កាលពីថ្ងៃទី១៤ ខែវិច្ឆិកា ប្រធានាធិបតីកេនយ៉ា លោក William Ruto និងប្រធានក្រុមប្រឹក្សាអន្តរកាលស៊ូដង់ លោក Abdel Fattah al-Burhan បានព្រមព្រៀងគ្នាបង្កើតក្របខ័ណ្ឌកិច្ចសន្ទនាដ៏ទូលំទូលាយមួយ ដើម្បីបញ្ចប់ជម្លោះរយៈពេលប្រាំពីរខែនៅក្នុងប្រទេសស៊ូដង់។

Tổng thống Kenya Ruto và Tướng Al-Burhan hối thúc chấm dứt cuộc xung đột kéo dài 7 tháng ở Sudan

ប្រធានាធិបតីកេនយ៉ា លោក William Ruto និងប្រធានក្រុមប្រឹក្សាអន្តរកាលស៊ូដង់ លោក Abdel Fattah al-Burhan ពិភាក្សាអំពីស្ថានភាពសន្តិសុខក្នុងតំបន់ក្នុងទីក្រុង Nairobi ប្រទេសកេនយ៉ា កាលពីថ្ងៃទី១៤ ខែវិច្ឆិកា។ (ប្រភព៖ Sudan Tribune)

ក្នុងអំឡុងពេលកិច្ចប្រជុំនៅរដ្ឋធានីណៃរ៉ូប៊ី ប្រទេសកេនយ៉ា លោកប្រធានាធិបតី Ruto និងឧត្តមសេនីយ៍ Al-Burhan បានពិនិត្យឡើងវិញនូវគំនិតផ្តួចផ្តើម សន្តិភាព រួមទាំងដំណើរការសន្តិភាព Jeddah និងសំណើរបស់អាជ្ញាធរអន្តររដ្ឋាភិបាលស្តីពីការអភិវឌ្ឍន៍ (IGAD)។

តាមនោះ ភាគីទាំងពីរបានសង្កត់ធ្ងន់លើតម្រូវការបន្ទាន់ក្នុងការស្វែងរកដំណោះស្រាយចំពោះជម្លោះស៊ូដង់ ជាពិសេសការកោះប្រជុំកំពូល IGAD ដើម្បីបង្កើតក្របខ័ណ្ឌកិច្ចសន្ទនាដ៏ទូលំទូលាយសម្រាប់ភាគីជម្លោះនៅស៊ូដង់ ឆ្ពោះទៅរកការដោះស្រាយ វិបត្តិនយោបាយ ក្នុងស្រុក។

លោក Ruto និង Al-Burhan ក៏បានទទួលស្គាល់ពីដំណើរការយឺតយ៉ាវនៃកិច្ចចរចាដែលធ្វើឡើងនៅក្នុងទីក្រុងកំពង់ផែ Jeddah របស់ប្រទេសអារ៉ាប៊ីសាអូឌីត ជាកន្លែងដែលភាគីជម្លោះស៊ូដង់កំពុងធ្វើកិច្ចចរចាដើម្បីបញ្ចប់ជម្លោះរយៈពេលប្រាំពីរខែ។

IGAD បាននិយាយថា កិច្ចចរចាបានបញ្ចប់កាលពីសប្តាហ៍មុននៅទីក្រុង Jeddah ហើយបានបរាជ័យក្នុងការឈានដល់បទឈប់បាញ់មួយដោយសារតែការខ្វែងគំនិតគ្នារវាងកងទ័ពស៊ូដង់ និងកងកម្លាំងគាំទ្ររហ័ស (RSF) ជុំវិញការដាក់ពង្រាយកងកម្លាំងឡើងវិញ។

កងទ័ពស៊ូដង់បានទទូចឱ្យ RSF ដកខ្លួនចេញពីទីក្រុងដើម្បីការពារជនស៊ីវិល ខណៈដែល RSF ទទូចថាខ្លួននឹងមិនបោះបង់ការគ្រប់គ្រងតំបន់ទីក្រុងឡើយ។

ប្រភព